Magtao it kasadya ag kalipay sa kapwa ro tuyo ni Jerwin Olds nga taga’C Laserna, Brgy. Poblacion, Kalibo ukon mas kilaea sa tawag kana nga Pobreng BoyPanot.
Sa pakikipag’angot it Bombo Radyo Kalibo ginsaysay nana nga ro pobreng boypanot hay halin sa anang pagiging pobre ag sa lahi nanda nga panot.
Kun gabei suno kana hay nagaduty imaw ag kun agahon hay karun imaw nagahimo it content.
Nakilaea si Olds bangud sa anang mga content nga nagasaot sa tunga it karsada, basketball court ag bisan sa kaeanasan.
Malipayon nana nga ginsaysay nga ro anang mag’ina ro anang inspirasyon ag nabue’an it kusog.
Masayuran nga si Olds hay ex-convict nga napahilway bangud sa plea bargaining agreement kun siin matapos imaw maguwa sa presuhan hay gintaw’an sigon imaw it kahigayunan it andang kapitan nga maging driver it andang medical response team.
Para kay Olds gusto eamang nana nga magpasadya it anang kapwa apisar nga may pipila sigon nga nagabash kana hay padayon eamang imaw bangud nga uwa man imaw nagapanakit ag nagapang’abuso it tawo ukon anang kapwa.
Dugang ni Olds nga raya eun ro anang pangaywang account bangud ro anang una nga account hay nahack.
