Business News——-Ginrekomenda ni House Ways and Means Committee chairman Joey Sarte Salceda nga makaangkon it “creative disruption” sa banking sector.
Ginaduso ni Salceda ro ap-at nga reporma nga sa tan-aw nana hay makabulig para sa konserbatibong banking sector sa Pilipinas: ro Virtual Banking Act, Financial Technology Industry Act, Blockchain Technology Development Act, ag the Fair and Inclusive Credit Reporting Act.
Sa pihak sigon it ginpaguwang P1.9 trillion “new money” it Bangko Sentral it Pilipinas (BSP) kat magsueod raya it monetary policy adjustments hay haeos uwa eon it nailistang credit growth.
Mag-eowas sa epekto it lockdown tuga it COVID-19 pandemic, ginpahayag ni Salceda nga mismong 30 percent eamang it mga negosyo ro nakautang sa mga bangko.
Klaro sigon nga bukon raya it basta “financial inclusion problem” eamang bangud maskin may bangko man ro mga tawo hay uwa man sanda eagi nakakaangkon it access sa mga pautang.
Base sa World Bank Enterprise Survey, nadiskubrehan nga maskin 93 percent it mga ginakabig nga formal businesses hay may bank accounts, mismong 30 percent eamang sa mga raya ro may access sa mga loans.
