KALIBO, Aklan—Ginalaygayan it Civil Service Commission ro tanan nga mga examinees it Career Service Examination-Pen and Paper Test sa maabot nga Marso 15 nga maghimo it nagakaigo nga pagdahan sa kaugalingon antes ag sa mismong adlaw it eksaminasyon.
Raya hay may kaangtanan sa paeag it coronavirus disease ukon COVID-19.
Suno kay Ferdinand Macogue, supervising human resource officer it Civil Service Commission ukon CSC-Aklan nga ro mga examinees nga makitaan it flu-like symptoms sa adlaw it exam hay ginalaygayan nga indi eon magbo-oe it tests.
Sandig sa advise it DOH, ginapasugtan ro mga examineers, examinees ag iba pang eakot sa eksaminasyon nga maggamit it face mask ag magdaea it alcohol-based hand sanitizers bilang precautionary measures.
Ginapasugtan man sigon ro mga raya nga magdaea it mainom nga tubi ag snacks.
