KALIBO, Aklan — Naka-hightened alert ro Department of Agriculture (DA) sa probinsya it Aklan kasunod sa pagtaas it mortality rate it mga baboy nga ginasugid nga infected it ginakabaeak-an nga African Swine Fever (ASF).
Suno kay Dr. Janna Rose Nepomuceno it Kalibo Agriculture Service, sigidas ro andang hugut nga pagbantay sa mga alagang baboy it swine farmer agud nga malikawan ro pagkalhit it sakit sa iba pang alagang sapat.
Sa kamatuoran suno kana hay gilayon nanda nga gina-disposed sa dumping site kaibahan ro Bureau of Customs (BOC) ag Veterinary Quarantine Service ro mga nakumpiskang processed meat products sa Kalibo International Airport nga daea it mga turista nga kaeabanan hay mga Chinese ag Korean nationals.
Halin sigon kat nagpatuman it importation ban it karne ro DA sa mga nasyon nga ginadudahang infected it ASF hay mas kapin pa nandang ginhugtan ro andang pagbantay sa paeoparan kamana man sa mga swine farmer nga kaeabanan nga ginaboe-an it ginakatay nga baboy nga ginabaligya sa Kalibo Public Market.
Mag-eowas kara, anda man sigon nga gina-educate ro mga swine farmer kaangot sa tamang pag-alaga it sapat.
Agud nga malikawan suno kana ro nasambitang sakit sa sapat hay kinahang-ean nga inde magpakaon it damog ag siguraduhon nga may nagakaigong bakuna ag purga ro sapat.
