KALIBO, AKLAN — Gin klaro it Department of Agriculture (DA) nga suportado sa gihapon nanda ro rice importation sa nasyun
Sa interview it Bombo Radyo, gin pahayag ni Ferdinand Piñol, Executive Assistant ag igmanghod ni DA Secretary Manny Piñol nga makabulig raya agud mapun-an ro kakueangan it bugas sa nasyun.
Apang, indi sigon raya iga dunghan sa tiempo it pag-ani agud indi maapektuhan ro mga mangunguma.
Sa makaron sigon hay manami ro resulta it ani it paeay ag engkasong mag-sigidas posibling maging rice sufficient ro Pilipinas pag abot it dag-un 2020.
Sa pihak nga parte, gin pahayag ni Piñol nga nagsumite ro DA it proposal kay Pangueong Rodrigo Duterte nga bumilog it task group nga magapatigayun it inspection sa tanan nga bodega it mga negosyante it bugas.
Nagpaandam man imaw sa mga pribadong rice cartels nga indi maghimo it pekeng rice shortage bangud sa kasong posibling pangatubangon.
