KALIBO, Aklan — Tatlong adlaw sigon nga gin kulong ro sangka 30-anyos nga daeaga sa gin upahang kwarto sa sangka hotel sa isla it Boracay kat makipag-eye ball raya sa anang chatmate nga Koreano.
Sa report it Kalibo Police Station, gin kilaea ro biktima sa pangaeang May, residente it Sampaloc, Manila.
Sa panaysayon it biktima sa mga pulis, gin promisahan sigon imaw it Koreanong si Kim Tae Gi, 50, presenteng naga estar sa sangka subdivision sa Brgy. Andagao, Kalibo nga pagataw-an it magarbong birthday trip sa Boracay.
Nagkita sigon sanda sa isla, apang, sa sueod it tatlong adlaw hay gin tago imaw, gin pagutuman ag nagserbeng bihag it anang
chatmate.
Sa tiempo sigon nga sa poder imaw it estranghero, maabong beses nga may natabo kanda.
Suno pa sa biktima nga gin hana pa imaw nga aywanan it Koreano sa Boracay, apang, nakahingagaw raya nga makasakay sa ferryboat.
Gin pahayag pa it babaye nga nakaangkon sigon sanda it relasyon sa sueod it tatlong buean pinaagi sa sangka “dating app” sa internet ag sa nasambitang adlaw hay nagkasugot nga mag-eyeball.
Solong plane ticket sigon pabalik sa Maynila rp gin tao kana ag owa gin pasugtan ro gina demand nga P20,000 bangud haeos ap-at nga adlaw sigon rayang nag-absent sa anang trabaho ag nag utang pa it pamasahe paagto sa Boracay.
Plano sa makaron it babaye nga pasakaan it kasong rape agillegal detention ro nasambitang Koreano.
Samtang, gin pamalibaran man sa Bombo Radyo Kalibo it estrangero ro akusasyon it babaye ag medyo gina kwartahan eamang sigon imaw kara.
