KALIBO, Aklan–Ginpa-blotter it Aklan Media Integrated Allaince ukon AMIA sa Kalibo municipal police station ro dating brodkaster nga si Carlo Astorias.
Raya hay kasunod it anang social media post nga patama sa natungdan ag matsa pamaeag ro guwa kara sa tawo matapos nga gindihon ro resolusyon nga nagadeklara kana bilang persona non grata sa media industry sa bilog nga probinsya it Aklan.
Suno kay Mr. Noel Cabobos, sambilog sa mga founder it AMIA nga bukon eon it makatarungan ro ginahimo ni Astorias kon siin mabahoe raya nga kasamaran sa imahe it mga broadcast ag journalist professionals.
Ro pagdeklara kay Astorias bilang persona non grata hay para inde eon imaw kasueod ukon maemployed sa maskin anong media entities sa Aklan.
Haom nga magpasaka it kaso ro AMIA kontra kay Asturias.
Nasayuran nga maabong indibidwal ro nagareklamo kontra kay Astorias bangud sa anang pagpangloko kon siin matapos nga mautangan it mabahoe nga kantidad it kwarta hay uwa eon nana ginaulikda ro anang gin-utangan nga tawo.
