KALIBO, Aklan — Na-impeksyon ro kinatawo it sangka dating preso it Aklan Rehabilitation Center (ARC) matapos nga magpaturok sigon it “baby oil” samtang nakakulong may sang dag-on eon ro nagtaliwan sa nasambit nga presuhan.
Gindaea sa Aklan Provincial Hospital ro biktimang si alyas Dexter, 26, owa it asawa ag residente it Balete, Aklan matapos makabatyag it grabeng pagsakit it kinatawo tuga it paghaeok it mga raya nga kasingbahoe eon sigon makaron it lata it sardinas.
Haeos limang adlaw eon man raya nga gina-eagnat.
Suno sa eaeaki nga ginpilit eamang imaw nga turukan it “baby oil” bilang kaparte it initiation rites sa unang adlaw it anang pagsueod sa presuhan matapos imaw nga madakpan it sumpak ko nagtaliwan nga dag-on.
Ginhambae sigon it anang mga dating kakosa nga epektibong pampabahoe it kinatawo ro pag-inject kara it “baby oil”.
Owa man sigon imaw it ideya kun siin nagabo-oe it syringe ro mga dating kaibahan nga kaabuan kanda hay na-remit eon sa New Bilibid Prisons sa Muntinlupa.
