KALIBO, Aklan—Uwa eon gintaw-an it kahigayunan ro 10 establishment owners nga maiduso ro andang kaso matapos nga gin-umpisahang tibagon ro andang mga istraktura sa front beach sa Sitio Bolabog, Barangay Balabag sa isla it Boracay.
Raya hay kasunod it natapos ro 20 diyas nga temporary restraining order (TRO) nga ginpaguwa ni Aklan RTC Branch 7 acting presiding judge Ronald Exmundo nga may petsang October 15, 2019.
Bandang alas-8:00 kaina it agahon kat nabulabog ro mga residente ag pilang guests it mga apektadong hotels kat magmando ro mga armadong kaeaeakin-an nga kinahang-ean nanda nga himuson ro andang mga gamit ag aywanan ro lugar sa sueod eamang it 20 minutos.
Nasayuran nga ginpaguwa ro TRO agud inde anay pag-ipadayon ro demolisyon sa 10 establisimento samtang naka-apela ro kaso it mga property owners ag sa nakataeanang pagpamati kara sa Lunes, Nobyembre 11.
Una kara, nagdihon it motion to intervene ro Department of Environment and Natural Resources (DENR), bilang pinuno it Boracay Inter-Agency Task Force agud maieakip sanda sa kaso nga ginpasaka it mga establishment owners nga nagapamaeabag sa demolisyon.
Demolisyon sa 10 establisimento sa Boracay, nagapadayon
-- ADVERTISEMENT --
