KALIBO, Aklan — Nagpa-andam ro Department of Environment and Natural Resources-Environmental Management Bureau (DENR-EMB)-6 sa mga establishment owners sa Isla it Boracay nga likawang makipag-transaksyon sa mga fixer.
Suno kay Atty. Ramar Niel Pascua, head it legal section it EMB-6 nga maghaeaong sa pakikipag-transaksyon sa mga nagapakilaeang taga-DENR nga naga sumbil nga mag-ayos it mga papeles eabi eon ro pag proseso sa Environmental Compliance Certificate (ECC).
Mas makamayad sigon nga mag adtu eon lang sa andang one-stop-shop center ukon sa andang taeatapan.
Istrikto makaron ro DENR sa pag-review sa tanan nga mga gin suspendeng ECC tmga establisimento agud nga masiguro nga compliant ro mga raya.
Nauna eon nga gin-abisuhan it Department of Tourism (DOT) ro mga turista nga usisaon anay kung ro andang resorts nga gin pa-book eabi eon sa nagahilapit nga All Saint’s Day hay accredited sa DOT, sambilog sa mga kondisyon agud makadungan sa reopening it Boracay sa Oktubre 26.
