KALIBO, Aklan — Plano makaron it Department of Environment and Natural Resources (DENR) nga magtaeana it mga Environmental Law Enforcers sa isla it Boracay kadungan it reopening kara sa Oktubre 26.
Suno kay Community Environment and Natural Resources Office (CENRO)-Boracay head Atty. Richard Fabila, magatutok ro mga raya sa pagdakop sa mga violators sa isla.
Dugang pa kara nga ro mga pag-eabag nga pagabantayan it mga Environmental Law Enforcers hay base sa mga LGU-Malay Municipal Ordinances.
May mga nakabutang sigon nga padumdom sa isla apang uwa man raya ginaintindiha rason sa uman nga pagbukas it Boracay hay kinahang-ean ro striktong implementasyon.
Mabuhay eon man suno kay Fabila ro mga nasambitang ordinansa apang kueang eamang sa implementasyon bangud masyadong naka-pokus ro mga tawo sa andang magiging kita.
