BALITA Espesyal– Ko una hay iba ro ginapuntiryang record it dentistang si Val Kolpakov apang ko ulihi, ro world record para sa pinakamabahoe nga koleksyon it toothpaste sa bilog nga kalibutan ro anang nailista.
Dati hay kapin sa 100 nga ngipon ro gina-gabot nana kada domingo halin sa anang mga pasyente rason nga naisipan nana nga maglista it world record angot kara.
Apang samtang naga-research imaw sa mga world record angot sa numero it mga ginagabot nana nga ngipon hay may nabasa imaw angot sa nagakolekta kara nga sangka eaeaki sa Germany it nagkaeain-eain nga klaseng mga toothpaste sa pihak nga owa man raya it n nailistang world record.
Dikara nana naisipan nga magkolekta it toothpaste para sa anang tuyo nga maging world record holder.
Natuman man ro anang mga handum nga kilaeahon it Guinness World Records bangud sa anang pinakamabahoe nga koleksyon it toothpaste sa bilog nga kalibutan.
Nakatipon imaw it mabahoe nga koleksyon it toothpaste halin sa mga amigo nana nga nagabiyahe ag nagapasalubong kana it mga toothpaste halin sa nagkaeain-eain nga nasyon.
May una pa ngani imaw nga toothpaste nga himo pa ko 1963 nga lasang aeak.
Nakadisplay ro parte it anang koleksyon sa opisina nana sa Alpharetta, Atlanta.
