Nagapatigayon it inventory ro Bureau of Customs (BOC) sa mga nakumpiska nandang mga pagkaon, gamit ag agricultural products. Suno sa Department of Finance nga andang ginatun-an kon ro mga raya hay pwedeng mai-donate sa mga biktima it bagyong Carina.
Nagapahaom man ro Department of Finance nga ipaguwa ro $500 milyon nga standby credit line para magamit eagi it gobyerno sa pagtao it serbisyo kaparehas sa healthcare, pagkaon ag masilungan sa mga apektado it bagyo.
Ro loan hay pwedeng maging post-disaster emergency response, recovery ag reconstruction efforts. Magapanukot man ro Bureau of Treasury sa idaeom it National Indemnity Insurance Program (NIIP) para sa mga danyos sa naging halit sa 45 nga public schools sa waeong rehiyon nga nagabalor it P308.5 milyon pesos.
Kon maipaguwa eon ro pondo hay pwedeng gamiton raya it Department of Education sa pagsaayos it mga eskwelahan.
