Todo makaron ro panawagan it Department of Health (DoH) sa tanan nga mga residenteng hasta makaron hay ginabaha pa gihapon ro andang lugar nga magbuoe it libreng bueong kontra sa leptospirosis.
Suno kay DOH-officer-in-charge Maria Rosario Vergeire, ro bueong kontra sa leptospirosis hay libreng igatao it gobyerno.
Una kara, ginpahayag ni Vergeire nga nakipagkita eon sigon ro mga raya sa andang mga regionl directors ag gintaw-an it direktiba nga i-assess ro sitwasyon sa andang lugar.
Kadungan kara hay nagpanupod eon man sanda it prophylactic medicines para mapunggan ro pagtaas it leptospirosis cases sa nasyon.
Base sa pinakaulihing data halin sa DOH, kapin sa 1,770 eon ro nailistang kaso it leptospirosis halin Enero 1 hasta Agosto 27, 2022.
Mas mataas raya it 36 percent kumpara sa nailistang kaso sa parehong period ko 2021.
