DepEd nagakinahang-ean it P1.3-B nga pondo para sa pagpa-ayos it mga eskwelahan nga nasamad it linog

Nagakinahang-ean it P1.3 bilyon ro Department of Education para sa pagpaayos it masobra 9,000 nga mga eskwelahan nga nasamad bangud sa magnitude 7 nga linog sa northern Luzon.

Suno sa DepEd nga naga-abot sa kabilugan nga 9,539 eskwelahan ro naapektuhan it mabaskog nga pag-uyog samtang 226 ro nag-angkon it danyos kung siin 132 kara hay halin sa Cordillera Administrative Region (CAR), 49 halin sa Ilocos Region, 25 halin sa Cagayan Valley Region, 18 sa Central Luzon, samtang sambilog sa Metro Manila ag CALABARZON.

Naga-abot man sa 442 nga classroom ro nakaangkon it total damage ag 636 ro kinahang-ean it pagpaayos.