Ginpangunahan nanday Bureau of Internal Revenue (BIR) Commissioner Charlito Martin R. Mendoza ag Supreme Court Associate Justice Alfredo Benjamin S. Caguioa ro pagpueong agud nga tingubon ro Electronic Documentary Stamp Tax (eDST) system it BIR ag ro Electronic Notarization (eNotarization) facility it Korte Suprema.
Tuyo it inisyatiba nga himuong digital ro bilog nga proseso it notarization halin sa umpisa hasta sa katapusan.
Sa pinaagi kara, pwede eon nga bayaran ag ieakip sa electronic ro Documentary Stamp Tax (DST) nga inde kinahang-ean bumalik sa tradisyunal nga papel.
Suno kay Commissioner Mendoza, ro tikang hay resulta it andang naging diskusyon ko Pebrero 2026, kon sa siin natumod ro mga manwal nga pagdukot it DST bilang nabilin nga “paper-based step” sa electronic notarization.
Ro nasambit nga reporma hay sandig sa mga sueondanan nga Supreme Court Rules on Electronic Notarization ag BIR Revenue Regulations No. 28-2025.
Suno pa sa BIR, ro nasambit nga pakikipagbuligan sa Korte Suprema hay sandig sa modernisasyon ag digital transformation it ahensya sa idaeom it BIR DARES, kamana man sa pagduso it gobyerno sa Ease of Doing Business agud maging mas madasig, simple, ag eowas ro mga transaksyon it mga pumueoyo ag negosyo.
