Kulong ag nagapangatubang sa reklamong pag-eabag sa Comprehensive Dangerous Drugs Act of 2002 ro sangka 48 anyos nga dispatcher matapos nga mabak-ean ag maboe-an it ginadudahan nga shabu sa ginkasa nga buy-bust operation sa Brgy. Bubog, Numancia, agahon it Miyerkules, Pebrero 18, 2026.
Nakumpiska sa suspek nga nakilaea kay alyas Diso, residente it C. Laserna St. Poblacion, Kalibo ro kabilugan nga 6 nga sachet it ginadudahan nga shabu.
Nauna kara, sangka sachet it suspected shabu ro nabakae kana kabaylo it P3,500 nga buy-bust money.
Sa pag-body search hay nabo-oe sa anang posisyon ag kontrol ro dugang nga limang pakete it droga.
Sa makaron hay ginatumod pa it kapulisan ro andang source it ilegal nga droga.
Nasayuran nga raya eon ro ikaywang beses nga nadakpan ro suspek sa kaparehong kaso.
Aminado imaw nga nagagamit it shabu apang hugut nga ginpamalibaran ro pagiging pusher.
