Ginpaathag ni Department of Migrant Workers Secretary Hans Cacdac nga ro rason it pagbuoe sa pwesto kay dating Overseas Workers Welfare Administration administrator Arnell Ignacio hay bangud sa kawad-an it pagsalig ag kumpyansa.
Suno kay Cacdac, raya hay may kaangtanan sa sangka deal angot sa pagbakae it eogta nga nagabalor it P1.4-billion nga uwa it pag-aproba halin sa OWWA board.
Ginklaro it opisyal nga uwa nagresign sa pwesto si Ignacio kundi kusa raya nga ginpatalsik sa pwesto bangud sigon ma anomalyang P1.4 billion land acquisition deal.
Samtang, uwa pa it sabat ro kampo ni Ignacio sa naging pahayag it DMW official.
Gin-insister ni Cacdac nga kinahang-ean it approval halin sa board para sa tanan nga mga kasugtanan nga pagasudlon it OWWA.
Tuyo kunta it nasambit nga land acquisition deal hay para sa accommodation it mga OFWs nga bukon man it kinahang-ean suno sa opisyal.
Si DMW Undersecretary Patricia Caunan sa nagbueos sa pwesto nga nabakante ni Ignacio.
