Gin-anunsyo ni Department of Energy (DOE) Secretary Sharon Garin ro pag-abot it mabahoe nga suplay it diesel halin sa Malaysia nga ginbakae it gobyerno sa pinaagi it Philippine National Oil Company – Exploration Corporation (PNOC EC).
Suno kay Garin, ro shipment hay may kabilugang 329,000 barrels ukon masobra sa 52 milyong litro it diesel, nga tuyong pabaskugon ro reserba it nasyon sa tunga it padayon nga tensyon sa Middle East nga nagatuga it pagtaas it presyo it langis sa pangkalibutanong merkado.
Base sa datos it DOE, ro dugang nga suplay hay ginaeauman nga makabulig agud mapabilin ro stable nga imbentaryo it fuel sa mga masunod nga dominggo nga kapin pang nagtaas it P2.50 kada litro ro presyo it diesel sa lokal nga merkado ko nagtaliwan nga dominggo.
Ro nasambit nga tikang hay emergency procurement strategy it gobyerno agud malikawan ro posibleng kakueangan it suplay ag mapaugan ro epekto sa sektor it transportasyon ag industriya.
