Ginklaro ni Department of Justice (DOJ) Undersecretary Jesse Andres nga bukon it angot sa crimes against humanity ro igapadaea nga subpoena kay dating Pangueong Rodrigo Duterte.
Raya hay kon daeayon gidman nga magpadaea it subpoena ro ahensiya sa dating presidente kadungan it andang ginahimo nga imbestigasyon angot sa maeapnagon sigon nga patayan sa ngaean it war on drugs.
Paathag ni Usec. Andres, bilang pagsunod sa ‘due process of law’, kinahang-ean ipatawag ro dating presidente kon engkasong makabilog eon ro DOJ it reklamo nga pwedeng i-atubang sa dating presidente.
Sa makaron sigon hay padayon ro pagtipon it DOJ it mga ebidensiya halin sa National Bureau of Investigastion, Philippine National Police, ag iba pang ahensiya agud nga makahimo it pormal nga reklamo.
Madumduman nga ginrekomenda it Quad Committee it Kamara de Representantes ro pagpasaka it kaso kontra kay dating Pangueong Duterte ag sa pilang kaalyado, kasunod it 13 nga serye it pagpamati.
