Pagarepasuhon it National Prosecution Service it Department of Justice (DOJ) ro rekomendasyon it Quad Committee it Kamara de Representantes nga kasuhan sanday dating Pangueong Rodrigo Duterte ag mga kaibahan kara.
Raya ro gin-insister ni Justice Undersecretary Jesse Andres, kasunod eon man it unang pahayag ni Pangueong Ferdinand Marcos Jr. nga ginapaubaya eon kara sa mga legal expert ro pag-usisa sa nasambit nga rekomendasyon.
Suno kay Usec. Andres, tanan nga rekomendasyon it Quad ha pagatun-an , pagailibahon ro mga ebidensiya halin sa kaugalingon kara nga imbestigasyon ag pagausisaon ro mga kasong pwedeng ipasaka.
Apang pagklaro it opisyal, inde eamang magabase ro DOJ sa rekomendasyon it Quad Committee kundi igakonsidera man ro mga nagguwa sa mga ginpatigayon nga imbestigasyon.
Gin-insister it DOJ official nga halin sa pag-usisa, pag-usoy it ebidensiya hasta sa pagpasaka it kaso hay pagahimuon sandig sa gintaeana it laye it aton nga nasyon.
