Ginaeauman it gobyerno it Pilipinas ro magiging desisyon it Interpol angot it hinyo kara nga pag-isyu it Red Notice kontra kay dating presidential spokesperson Harry Roque, nga may ginapangatubang nga kasong human trafficking angot it ilegal nga POGO hub sa Porac, Pampanga.
Suno sa Department of the Interior and Local Government (DILG), natapos eon ro an-om nga bueang proseso it aplikasyon para sa asylum ni Roque sa Netherlands, kaya posibleng gumuwa eon ro desisyon kun pasugtan ro hinyo it Pilipinas.
Nauna eon nga naghinyo ro gobyerno it Red Notice ku nagtaliwan nga dag-on, samtang si Roque hay nagdihon it asylum application sa Europa apang nareport nga posible rayang maadto sa Austria sa idaeom it EU Dublin Regulation.
Ginpahayag man it DILG nga ingakso indi aprubahan ro asylum request, posibleng ipapilak si Roque bangud sa kawad-an it travel documents ag sa ginapangatubang karang kasong kriminal nga may international implications.
