Magapakalhit ro Department of Labor and Employment (DOLE) it masobra 240,000 trabahador sa may 5,000 paaralan sa bilog nga nasyon bilang parte it pagpahaom para sa pagbukas it School Year 2026-2027.
Suno kay DOLE Secretary Francis Tolentino, maga-umpisa ro deployment sa Hunyo 1, sang dominggo bago ro pagbukas it klase.
Sa idaeom programang Tulong Panghanapbuhay sa Ating Displaced Workers (TUPAD), magabulig ro mga trabahador sa paglimpyo it mga eskwelahan, pagsa-ayos ag pagpintura it mga pasilidad, pag-aayos it mga kagamitan, ag iba pang preparasyon para sa balik-eskwela.
Ginpangunahan it Department of Education (DepEd) ro koordinasyon sa mga eskwelahang magapanipueos sa programa.
Ginhambae it DOLE nga makabulig raya para maging haum ro mga eskwelahan para sa pagbukas it klase samtang naga-tao man it temporaryong trabaho ag kita sa mga trabahador.
