Kalibo Aklan —-Kapin sa P36, 255, 000 pesos eon ro naipaguwa nga pondo it Department of Labor and Employment (DOLE) Region VI sa idaeom it COVID-19 Adjustment Measures Program (CAMP) it ahensya.
Suno kay Niezel Sabrido, tagapaghambae it DOLE Region VI, sa nasambitang haega hay naayudahan kara ro masobra sa 7, 400 ka mga empleyado sa bilog nga rehiyon.
May kaangtanan kara, nagapadayon pa ro andang pagproseso sa application it mga employeer nga kwalipikado sa nasambitang programa it gobyerno.
Sa kamatuoran suno kana ko nagtaliwan nga weekend hay nakabaton sanda it masobra sa sang libong application nga ginakaeakipan man it 51,000 employees sa bilog nga Western Visayas.
Suno pa kay Sabrido, ro mga employeers sa probinsya it Aklan ro unang nagsumiter it aplikasyon sa taeatapan it DOLE agud nga maka-avail it programa partikular ro unang nagsarado nga mga establisyimento sa Isla it Boracay ag banwa it Kalibo tuga it epekto it COVID-19 pandemic.
Ginpaathag ni Sabrido nga per batch ro andang pagproseso it application kon sa siin ro status kara hay ginapost nanda sa Official Facebook Page it DOLE region VI agud nga madaling makit-an it mga apektadong employeers ag employees.
Ginklaro kara nga ro nagakita it P100,000 pesos pataas ag ro mga Foreign National Workers sa Isla it Boracay hay bukon it kwalipikado sa programa it gobyerno bangud nga prayoridad nanda ro mga empleyadong low income ag totally nga nawad-an it trabaho halin kat ginpaidaeom sa Ehanced Community Quarantine ro bilog nga Rehiyon nga napaeawig pa hasta sa Abril 30 it presenteng dag-on.
