KALIBO, Aklan—Uman nga nag-apela it pag-intindi sa mga displaced workers ro Department of Labor and Employment ukon DOLE.
Raya hay matapos nga ginklaro it pamunuan it ahensya nga ginkueang ro andang pondo sa numero it mga workers nga nag-apply para makabueo it cash assistance sa idaeom it Covid-19 Adjustment Measure Program ukon CAMP matapos nga nagsarado ro andang mga kumpanya nga ginatrabahuan.
Suno kay Niezel Sabrido, tagapaghambae it DOLE region 6 nga sa probinsya it Aklan hay kapin sa 4,197 eon ro nakabaton it tig-P5,000 pesos halin sa 105 nga kumpanya nga unang nagreport ag nag-apply sa andang taeatapan.
Sa nasambitang numero sigon it mga workers hay majority kara ro halin sa isla it Boracay.
Ginpasiguro man ni Sabrido nga sigidas pa makaron ro andang pagproseso ag engkaso nga madugangan ro andang pondo hay makabaton pa ro mga pending applications.
Sa makaron sigon hay nagapadayon ro implementasyon it andang programa nga Tulong Panghanapbuhay sa Ating Disadvantaged / Displaced Workers ukon TUPAD kon sa siin ro mga benepisyaryo hay makabaton it P3,950 halin sa andang pagtrabaho sa sueod it napueong adlaw kon sa siin ginaswelduhan sanda it P395 pesos kada adlaw.
