KALIBO, Aklan— Pwede eon nga uman nga makapagtrabaho sa Boracay ro mga dumueuong matapos nga boe-on it Department of Labor and Employment (DOLE) ro ginapatuman nga temporaryong pagsuspinde sa pagpaguwa it Alien Employment Permits ukon AEP sa mga foreign nationals sa isla.
Raya hay base sa ginpaguwa nga Labor Advisory 01-2019.
Ro AEP hay sambilog sa mga requirements agud nga mataw-an it working visa ro sangka dumueuong nga gustong magtrabaho sa Pilipinas, kun sa siin ro trabaho hay indi masarangan nga obrahon it mga Pinoy.
Nasayuran nga ginmandu ni DOLE Secretary Silvestre Bello III ro pagsuspinde sa pagpaguwa it AEP sa mga trabahador nga dumueuong sa Boracay ko Hunyo 2018 kasunod it pagpanaeasa sa isla it an-um nga buean umpisa ko Abril 26 hasta Oktubre 25, 2018 sandig sa mandu ni Pangueong Rodrigo Duterte agud nga taw-an it daean ro paglimpyo ag rehabilitasyon.
