KALIBO,Aklan–Nagapadayun ro pag-ayos it Department of Public Works and Highways ukon DPWH-Aklan sa mga pilang ka porsyon it karsada halin sa may bahin Brgy. Libas, Banga paagto sa banwa it Altavas ag iba pang daeanon sa western side.
Suno kay Engr. Joey Ureta, head it maintenance section it Department of Public Works and Highways ukon DPWH Aklan, gina-classify sigon ro karsada nga ‘priority’ kon makitaan eon raya it maabu nga samad.
Kinahangean sigon nga ma-reblocking ukon mabutangan it aspalto ro mga karsada nga may lubak-lubak.
Ginklaro man ni Engr. Ureta nga bukon it andang responsibilidad ro mga ginabutang nga signages ag traffic safety devices sa tagsa ka mga proyekto.
Ro contractor sigon it proyekto ro obligado karang magprovide sandig man sa ginpirmahan karang kontrata.
Ginpasiguro kara nga owa sanda nagkueang it padumdum sa mga contractor nga magbutang it mga signages ag traffic safety devices antes nga umpisahan ro sangka proyekto.
Raya hay sa pihak it mga naga-eontad nga serye it aksidente bangud sa mga karsadahon nga ginasaayos ag may kakueangan sigon sa mga signages.
Hinyu ni Engr. Ureta sa mga driver nga magdahan sa pagmaneho eabi eon makaron nga tig-ueuean bangud sa madanlog ro mga bag-ong aspalto nga karsadahon ag mas maging maabtik sa pag-obserbar sa mga traffic signages agud nga malikawan ro mga disgrasya.
