DSWD, gin-umpisahan eon ro pagpanupod it cash assistance sa mga biktima it pagbaha sa unang distrito it Aklan

KALIBO, Aklan–Gin-umpisahan eon ko Biyernes it Department of Social Welfare and Development (DSWD) ro cash distribution  para sa mga biktima it bagyong Paeng sa probinsiya it Aklan.

Suno kay 1^st District Congressman Carlito Marquez nga ro nasambit nga pondo hay halin sa  office of the  house speaker sa idaeum it  Assistance to Individuals in Crisis Situation ukon  AICS.

Gintugyan  sigon nana  sa  provincial  government ro pagtumod sa  mga beneficiaries.

Sa nasambit nga cash assistance program,  ginpahayag ni cong. marquez nga ro mga benepisyaryo hay makabaton it  bulig nga  2,000 pesos  hasta  3,000 pesos depende sa andang mga kinahangeanon.

Ginatantiya nga kapin  sa 10,000 nga pamilya nga naapektuhan it bagyo  ro ginlista nga  makabaton it nasambit nga ayuda.

Apang nakadepende sigon raya sa availability of funds.

Angot  kara, ginpasiguro it kongresista nga gina-obra nanda ro tanan  eabi eon ro pagpangayo  it dugang nga  bulig  agud nga  mataw-an it nagakaigo nga ayuda  ro tanan nga mga  apektadong pamilya.

Nasayuran nga mag-eowas  sa  cash assistance hay nagpanupod man sanda it relief goods.