Ginpadasig it Department of Social Welfare and Development (DSWD) sa Western Visayas ro pagpanupod it emergency cash aid sa sektor it transportasyon, kon sa siin 9,759 pang tricycle drivers ro nagbaton it tig-P5,000 nga ayuda, nga nagdaea sa kabilugang implementasyon it programa sa masobra 93 porsiyento hasta ko Abril 16.
Suno sa DSWD Region 6, kaparte raya it ginpabaskog nga sabat it gobyerno sa epekto it paghueag it presyo it langis.
Kaibahan sa mga lugar nga may mataas nga turnout it benepisyaryo hay ro mga probinsya it Aklan, Capiz, Guimaras, Iloilo, ag Antique.
Personal man nga nagbisita ro mga opisyal it DSWD sa mga payout sites agud siguraduhon ro maayos nga distribusyon, samtang nagbutang it help desks kabulig ro mga lokal nga gobyerno para insigidang masabat ro mga concern it mga benepisyaryo.
Nauna eon nga naipanupod ro masobra sa P40 milyon nga ayuda sa masobra 8,000 nga drayber sa ginpatigayon nga pilot rollout ko Abril 8.
Padayon gihapon ro payout sa nagkaeain-eain nga lugar ag may nakataeanang special payout para sa mga uwa pa nakabaton.
Ginpatigayon ro programa sandig sa direktiba ni Pangueong Ferdinand Marcos Jr. agud mabuligan ro mga apektadong transport workers sa tunga it krisis sa langis.
