KALIBO, Aklan — Mismong ro turistang Dutch national ro nag-aresto sa sangka lady boy matapos nga takawan imaw samtang nagapamasyar sa front beach pasado alas-1:00 it kaaganhon sa Station 2 sa isla it Boracay.
Suno sa biktimang si Petrus Josephus Maria Elsen, 36, samtang nagapanikangon sa binit it baybayon hay ginsug-aeaw imaw it bading nga ginkilaeang si Glen Hermo delos Reyes, 21, tubong Iloilo ag ginsumbilan it sex.
Apang, ginpamalibaran sigon nana raya ag nagpadayon sa pagtikang kat gulping nataeopangdan nga uwa eon ro anang P2,100 sa anang boesa.
Ginbantayan sigon kara ro pagbalik it suspek ag matapos ro sang oras nga paghueat hay nakit-an nana raya sa lugar rason nga gin-aresto ag gindaea sa Malay Police Station.
Presente sa makaron raya nga nakakulong para sa nagakaigong disposisyon.
