-- ADVERTISEMENT --
POLICE Report — Patay ro sangka eaeaki matapos aksidenteng mabaril ro kaugalingon sa singit samtang nakikipag-inuman sa mga amigo sa Purok 3, Barangay Parian, Calamba City, Laguna.
Nakilaea ro biktima nga si Reggie Ronda Galang.
Base sa imbestigasyon, ginbo-oe sigon ni Galang ro baril halin sa anang bag kat mahueog ro armas sa saeog samtang nagapungko raya sa sangka monobloc chair.
Eumupok ro baril ag tumama sa anang singit ro bala.
-- ADVERTISEMENT --
Gindaea raya it anang mga kainuman sa ospital, apang gindeklarang patay eon kat maka-abot.
Suno sa mga pulis, ginpaidaeum ro eawas it biktima sa autopsy agud nga matumod ro matuod nga ginkamatay kara.
