-- ADVERTISEMENT --
KALIBO, Aklan — Patay ro sangka eaeaki matapos nga eab-on it maka limang beses it anang magueang sa Barangay Agdugayan, Ibajay, Aklan.
Ginkilaea it pulisya ro napatay nga si Benry Placio, samtang sumurender man sa mga otoridad ro suspek nga si Jimmy Placio, parehong residente it nasambit nga banwa.
Sa report ni PO1 George Regalado, naabtan it suspek ro anang igmanghud nga ginasakit ro andang may edad eon nga ama kabangdanan nga nagdueom ro anang panan-awon rason nga naeabu hasta mapatay ro biktima.
Nagapangatubang ro suspek sa reklamong homicide.
