BALITA Espesyal– Sangka eaeaki sa China ro nakaangkon it “collapsed lung” matapos ro owa it pundo nga pagsininggit sa concert it paborito nana nga singers.
Suno sa report sa Shenzen, China, naka experiensiya it pneumothorax ro 19-anyos nga nakilaea eamang sa pangaean nga “Chen” samtang sa concert it sangka sikat nga Chinese Idol group.
Suno sa mga amigo ni Chen nga kaibahan nana nga nagtambong sa concert, masadyang nagasinggitan sanda sa performance it paborito nanda nga idol group kat gulping nagreklamo raya it pagsakit sa anang dughan.
Owa eon nakaangkon it kahigayunan ro mga amigo ni Chen nga daehon imaw sa mga naka-abang nga medic bangud nga matapos makabatyag it pagsakit it dughan hay insigida raya nga nabudlayan nga magginhawa ag naduea-an raya it alintro ag bumagsak eon sa saeog.
Gindaea sa ospital si Chen ag nakita it mga doktor nga nakaangkon it rupture sa sambilog nana nga lungs bangud sa grabeng pagsinggitan.
Ro Pneumothorax hay sangka abnormal nga pagkolekta it hangin sa pleural cavity nga naga-separar sa baga halin sa pader it dughan ag pwedeng makasabeag sa normal nga pag-ginhawa.
Ginpaidaeum sa operasyon si Chen ag successful nga nabo-oe ro excess air sa anang baga.
Sa makaron hay stable eon ro kahimtangan ni Chen.
