-- ADVERTISEMENT --
KALIBO, Aklan — Naninahan ro sangka 39-anyos nga eaeaki matapos nga bun-on it anang nakaaway sa Brgy. Manocmanoc sa isla it Boracay.
Padayun nga ginabueong sa ospital ro biktimang si Mark Ronald Suganog, tumandok it Dingle, Iloilo samtang ro naarestong suspek hay nakilaea kay Joeffrey Geñosa, residente it Pandan, Antique ag parehong nagatrabaho ag temporaryong naga-istar sa isla.
Base sa imbestigasyon it pulisya, gingubat it biktima ro suspek sa sueod it andang baeay ag dayun nga ginbayo sa anang uyahon.
Insigida man nga nagbo-oe it kutsilyo ro suspek ag ginbuno ro biktima nga tinamaan sa anang likod.
Ginasugid nga may dating bagina ro daywa rason nga ginapanan-aw nga raya ro posibleng motibo sa pagbuno it suspek sa biktima.
-- ADVERTISEMENT --
