-- ADVERTISEMENT --
POLICE Report — Nauli sa trahedya ro pustaan sa hampang nga basketball matapos nga bun-on it makapilang beses ag mapatay ro sangka 32-anyos nga eaeaki sa Barangay Talang, San Carlos City, Pangasinan.
Base sa imbestigasyon, naghampang it basketball ro biktima ag ro unga it suspek kun sa siin nag-ugat ro komosyon kat owa magbayad ro unga it suspek sa andang pustaan.
Matapos sigon nga owa nagkaeasugot, owa nagbayad ro unga it suspek rason nga nagkagulo sanda ag dikara eon umeksena ro ama it unga ag napatay ro biktima.
-- ADVERTISEMENT --
Nag-angkon it mga igo it buno ro biktima ag ginbawian it kabuhi sa ospital.
Nagpaeagyo man ro suspek ag padayun nga gina-usoy makaron it mga awtoridad.
Hustisya ro ginasinggitan it mga igbata it biktima.
