POLICE Report — Patay ro sangka 32-anyos nga eaeaking nagakaon it pamahaw sa sueod it andang baeay kat bun-on it kasimaryong owa nana ginpa-utang it kwarta.
Nakilaea ro makaeoeo-oy nga biktima nga si Michael, tricycle driver samtang ro suspek hay si Ferdie, nga mas kilaea sa bansag nga “Diablo” 36, may asawa, owa it trabaho, parehong residente it Brgy. San Pascual, Hagonoy, Bulacan.
Sa report it Hagonoy police station, natabu ro insidente bandang alas-10:30 it agahon sa sueod it baeay it biktima sa nasambit nga lugar.
Suno sa imbestigasyon, nagakaon ro biktima ag ro anang kalive-in kat gulping nagsueod sa baeay ro suspek.
Nahimo pa sigon nga sampiton it biktima ro suspek nga magkaon kat owa it kaano-ano hay gulping ginbuno ro biktima it daywang beses sa tuo nga parte it anang tiyan.
Kat magkalma ro komosyon hay gindaea ro biktima sa pinakamaeapit nga ospital para sa paunang medikasyon apang binawian eon raya it hueam nga kinabuhi.
Insigida man nga nadakpan it mga rumespondeng pulis ag barangay tanod ro suspek nga nagapangatubang sa kasong murder.
Ginasugid nga naakig ro suspek kat maghinyu raya nga maga-utang apang owa ginpahueam it biktima, base sa panaysayon it anang live-in partner.
