Kalibo Aklan——Hugut nga ginapatuman sa Mexico ro quarantine para malikawan ro pagkalhit it virus.
Bawae magguwa it baeay ro mga tawo kun bukon it importante ro sueundanan.
Instrikto ro mga pulis idtu ag ginadakop ro mga pasaway nga nagawinarang sa kalye.
Bawae ro pagtipun-tipon ag maskin ro pagbisita sa mga igbata ukon amigo hay owa ginapasugtan .
Bangud kara, maabu eon ro bored sa kabuhi .
Sa pihak kara, maabu man ro owa nagaguwa it baeay bangud nga nahadlok nga matapnan it virus .
Sangka eaeaki ro naka-isip it pamaagi agud nga mapahagan-hagan ro anang pagkagusto ukon craving sa paboritong sitsirya nga “Cheetos’’.
Mabuhay eon imaw nga owa nakakaon it sitsirya ag excited eon imaw .
Hasta nga sangka ideya ro naisip ni Antonio Munoz agud nga makasamit it Cheetos .
Ginsugo nana ro anang alagang ayam nga (chihuahua) nga magbakae kara sa baraka sa prente it andang baeay.
Nag obra imaw it sangka sueat sa tag-ana it baraka nga nagahambae nga ginsugo nana ro anang ayam agud nga magbakae it sitsirya nga bukon it mahaeang.
Kaibahan sa sueat ro $20 dollars .
May padumdum pa imaw nga tratuhon it mayad ro anang ayam bangud nga raya hay nagapamangot .
Ginsunod man it tag-ana it baraka ro nakabutang sa sueat ag gintau sa chihuahua.
Madasig nga nag-uli ro ayam daea ro sitsirya ni Munoz.
Eubus ro pagpasaeamat ni Munoz sa alaga bangud nga nasunod ro anang craving sa sitsirya.
Nakakaon imaw nga owa na expose sa virus .
