Ginpahayag ni Israeli Prime Minister Benjamin Netanyahu nga prayoridad makaron it Israel ro pagbungkag sa impluwensya it Hezbollah sa Lebanon, kadungan it nagapadayun nga tensyon sa Middle East.
Sa tunga it padayun nga tensyon sa rehiyon, ginpahayag ni Netanyahu nga nakasentro ro Israeli forces sa Bint Jbeil, nga tinawag nana nga nagapangunang kuta it Hezbollah sa southern Lebanon.
Ro tensyon sa tunga it Israel ag Hezbollah nga kilaeang ginasuportahan it Iran hay uman nga nag-grabe matapos ro military operations it U.S.-Israeli strikes kontra sa Iran ko Pebrero 28, nga gina-alegar nga nagpa-grabe sa mas naga-eapad nga giyera sa Middle East.
Kadungan kara, ginplastar man ni Netanyahu nga padayun ro koordinasyon it Israel ag Estados Unidos sa isyu it Iran, kaibahan ro pagbo-oe it enriched nuclear material ag pagtau it limitasyon sa nuclear capabilities it nasyon.
Ginpahayag dugang kara indi pa masiguro ro magiging daeagan it sitwasyon apang haum ro Israel sa anumang posibleng senaryo engkaso nga uman nga magtuhaw ro mas maeapad nga giyera sa rehiyon.
