Eapsag ginsueod sa  eco bag ag gin-aywan sa kulungan it manok

POLICE Report — Ginsueod sa eco bag ag basta eamang nga gin-aywan sa kulungan it manok ro sangka eaeaking eapsag sa Agoncillo, Batangas.

Base sa report, natabu ro insidente ko agahon it Miyerkules, Oktubre 9.

Gintungtong sigon ro eco bag nga ginsudlan sa eapsag sa sangka sako it mga feeds  ukon bahog sa manok sa Barangay Subic Ibaba.

Una eon sa eowas nga kahimtangan ro eapsag nga ginpangaeanan it lokal nga gobyerno nga si  “baby Moses” nga ginatatap makaron it Municipal Social Welfare and Development Office.

Padayun pa nga gina-imbestigahan it mga awtoridad  ro insidente partikular ro pagtumod kun sin-o ro mga ginikanan it nasambit nga eapsag.