Ginpresentar eon it mga economic managers it gobyerno sa Senado ro proposisyong pambansang pondo para sa masunod nga dag-on.
Gin-insister ni Finance Sec. Ralph Recto nga kapin sa 2.5 million nga mga Pinoy ko nagtaliwan nga dag-on ro nahaw-as sa kapigaduhon kon sa siin napanaba ro poverty rate sa 15.5 percent rason nga nakatutok makaron ro igtaeopangod it gobyerno nga mapanaba pa raya sa single digit nga 9% pag-abot it 2028.
Ginbida dugang it opisyal ro paghagan-hagan it inflation halin January hasta July 2024 kon sa siin kapin sa 3.7% eon lang raya nga maeapit sa target nga 3.4%.
Maskin nga trilyon pesos ro utang it Pilipinas, ginpahayag ni Recto nga uwa it dapat kabaeak-an bangud nga masarangan raya nga bayaran it gobyerno.
Ginpasiguro kara sa mga senador nga una sanda sa tamang daean ag maayos ro development sa andang target nga pang-ekonomiya.
Suno pa kana nga ro Pilipinas ro pinakamadasig sa pag-umwad it ekonomiya sa bilog nga Association of Southeast Asian Nations (ASEAN).
