-- ADVERTISEMENT --
NATIONAL News — Nagpaandam ro sangka environmental group sa publiko kontra sa pagbakae it mga unauthorized ag owa it label nga mga Labubu-inspired items nga nagkalhit makaron sa merkado.
Suno sa Ecowaste Coalition, naobserbahan nanda ro pagkalhit it nasambit nga mga produkto partikular sa Divisoria, Manila nga kilaeang baeak-ean it mga barato nga hampangan.
-- ADVERTISEMENT --
Sa 42 nga Labubu-inspired items nga ginbakae it grupo kapareho it dolls, stuff toys, key chains, phone accessories, stickers, ag wallet, lima eang ro may label.
Waeo man ro nakitaan it lead nga sangka makahieilo nga kemikal; 24 ro may polyvinyl chloride (PVC) plastic nga kaeabanan man nga naga-angkon it maabu nga mga chemical additives.
