Nasapwan nga uwa eon it hueam nga kinabuhi ro sangka empleyado it Provincial Hospital.
Nakilaea raya pinaagi sa anang mga ID’s nga si Jerico Fernandez, 51-anyos ag presenteng naka-istar sa sangka unit it pabahay sa brgy. Jugas, new Washington.
Suno kay Imelda Navarra, residente sa nasambit nga lugar, pasado alas-3 it hapon eon nanda raya napan-uhan bangud haeos daywang oras raya nga gina-tawag it ibang residente apang uwa raya naga-sabat.
Rason para ipatawag imaw bangud kun imaw ro magatawag hay insigida rayang maga-sabat. Apang, uwa sa gihapon raya naga-sabat apisar nga sigidas ro pagkatok sa anang pertahan.
Nagdisider eon lang sanda nga hukson ro jalousie sa anang bintana ag pasudlan sa unga para mabuksan ro pertahan. Dikara eon lang rayon nanda nasayuran nga uwa eon raya it hueam nga kinabuhi.
Dugang pa ni Imelda, nga sa anang pagkasayod hay may masakit rayang diabetes ag highblood, rason nga ginaeauman rayang inatake it anang masakit.
