KALIBO, Aklan—Kasunod it ginpaguwa nga executive order nga naging epektibo Lunes nga adlaw, ginmandu ni Governor Florencio Miraflores nga ro tanan nga mga naga-biyahe nga dumueueong ukon residente it Aklan nga may travel history sa mga infected area ukon nakaangkon it contact sa mga may kumpirmadong kaso hay ginamanduan nga mag-home quarantine ukon magpabilin sa andang mga hotels sa sueod it 14-diyas.
Ro pagklaru it gobernador ay kasunod it pag-abot it mga turistang Koreano domingo it agahon sakay it direct flight halin sa Incheon, South Korea.
Ginasugid nga pag-abot it mga turtista sa Caticlan jetty port hay insigidang ginhinyu ro mga raya ni acting Malay Mayor Frolibar Bautista nga kanselahon anay ro andang bakasyon sa isla it Boracay.
Posible sigon nga kabigon ro mga raya nga persons under monitoring (PUM).
Sa idaeum it ginpaguwa nga Executive Order No. 19 ni Governor Miraflores, bawae anay ro sea ag air travel pasueod ag paguwa it Aklan, kamana man ro pagpatuman it community quarantine ag social distancing agud nga mabaeabagan ro mas pang pagkalhit it coronavirus disease (COVID-19).
