KALIBO, Aklan — Gin-aksyunan eagi it Municipal Disaster Risk Reduction and Management Office (MDRRMO)-New Washington ro pag-atake it mga pukyutan sa sangka eskwelahan sa nasambit nga lugar.
Base sa report, nagtuga it alarma ag pagkabaeaka sa mga manugturo ag mga estudyante it New Washington Elementary School ro insidente bangud nga pila sa mga raya hay gin-sugod it mga insekto.
Rumesponde ro MDRRMO sa lugar agud nga indi eon magkalhit ag magtuga it halit ro mga raya.
Gin abisuhan man ro mga residente sa lugar nga pae-ngon anay ro andang mga iwag agud nga indi magkalhit ukon magdapo sa andang mga panimaeay ag eubusan nga matabog sa lugar ro mga insekto .
Raya hay kasunod it ginpatigayon nga pagpa-asu sa lugar kabulig ro mga katapo it Bureau of Fire Protection ag New Washington Municipal Police Station.
Suno kay Nicanor Denila Jr., head it MDRRMO New Washington, nag-ugat ro insidente matapos nga gin-einapog it mga unga ro baeay it putyukan nga nahamtang sa puno it mahogany sa sueod it nasambit nga eskwelahan.
Ginlaygay ni Denila nga kon makakita it mga baeay it putyukan hay indi raya pagmalitan.
Sa makaron hay balik eon sa normal ro klase sa nasambit nga eskwelahan.
