Nagapangatubang sa reklamong plunder, graft, ag indirect bribery si dating Senate President Francis Escudero sa Office of the Ombudsman agnot it kickbacks sigon halin sa mga flood control projects.
Base sa rekomendasyon it Field Investigation Office it Ombudsman, ginpasaka ro reklamo matapos ro testimonya ni dating DPWH Undersecretary Roberto Bernardo, nga nag-imbolbar sa sangka tagapatunga sa transaksyon it kwarta nga naga-abot sa milyon-milyong piso ku 2024 ag 2025.
Ginahambae nga ro mga proyektong ginhalin it kickbacks sigon hay halin sa nagkaeain-eain nga rehiyon sa Luzon, Visayas, ag Metro Manila.
Mahugot man nga ginpamalibaran ni Escudero ro mga pasibangud ag ginpunto nga uwa imaw it koneksyon sa ginahambae nga transaksyon ag nakabase eamang ro reklamo sa testimonya it sankga indibidwal nag bukon sigon insakto ro mga salaysay.
Una pa sa Ombudsman ro kaso ag nakahathat pa ro desisyon kun igapasaka raya sa Sandiganbayan.
