Gin-anunsiyo it mga top US officials nga ro Washington DC hay magataeana it bulig nga nagabalor it 500 milyon US dollar ukon katumbas it PHP29.3 bilyon pesos para magbulig sa presenteng programa it modernisasyon it Armed Forces of the Philippines (AFP) ag Philippine Coast Guard (PCG).
Ginhimo nanday US Secretary of State Antony Blinken ag Department of Defense Secretary Lloyd Austin III ro anunsyo sa ginpatigayon nga 2 + 2 Ministerial Meeting kaibahan ro andang mga counterpart sa Pilipinas nga sanday Foreign Affairs Secretary Enrique Manalo ag Defense Secretary Gilberto Teodoro Jr. nga ginhiwat sa Camp Aguinaldo, Quezon City.
Suno kay Blinken, ro nasambit nga grant hay sa panibag-ong tikang para pabaskugon pa ro alyansa it Pilipinas ag Estados Unidos kamana man makabig nga once-in-a generation investment para buligan ro modernization program it AFP ag PCG.
Samtang, ginpahayag mat-a ni US Defense Secretary Lloyd Austin nga nakikipag-angot eon makaron ro Estados Unidos sa Pilipinas para maangkon ro sangka hilway ag bukas nga Indo-Pacific.
