KALIBO, Aklan— Ginbuhian eon it event organizer nga Kalibo Sto. Niño Ati-Atihan Foundation, Inc. (Kasafi) ro pagdumaea sa dag-unang Kalibo Sto.Niño Ati-Atihan Festival nga ginakabig nga “Mother of All Philippine Festivals”.
Ginsorpresa ni Kasafi manager Albert Meñez ro tanan kat gin-anunsyo kara nga raya ro ulihing dag-on it foundation sa pagdumaea sa festival sa sueod it haeos siyam nga dag-on.
Naga-eaum si Meñez nga mataw-an it importansya ro andang pagtinguha nga maeksperyensyahan it mga nakikisadya nga mga turista ro sambilog sa mga best festivals sa bilog nga kalibutan.
Nasayuran nga ko 2010 hay gin-umpisahan it Kasafi ro pagdumaea sa festival pamaagi it Memorandum of Agreement sa Sangguniang Bayan it Kalibo ag lokal nga gpbyerno.
Sa makaron hay punuan eon ro mga hotels ag inns para sa Ati-Atihan makaron nga dag-on nga magaumpisa ro mga aktibidades sa Enero 2 hasta it 20.
