Ginsugo it Manila Regional Trial Court Branch 51 ro paghalin kay dating Negros Oriental Representative Arnolfo “Arnie” Teves Jr. halin sa detention facility it National Bureau of Investigation (NBI) sa Muntinlupa City paadto sa Bureau of Jail Management and Penology (BJMP) compound sa Camp Bagong Diwa, Taguig City.
Sa ginpaguwa nga resolusyon, ginbalewala it korte ro mosyon it kampo ni Teves nga indi imaw paghalinon sa kulungan samtang ginapatigayon ro pagpamati it mga kasong ginapangatubang.
Ro korte ro may hurisdiksyon sa kaso ni Teves angot it brutal nga pagpatay kay dating Negros Oriental Governor Roel Degamo ku 2023.
Si Teves hay ginahambae nga mastermind sa krimen, ag presente imaw nga nagapangatubang sa 10 counts it murder, 13 counts it frustrated murder, ag 4 counts it attempted murder.
Madumdumang si Teves hay ginaresto matapos ma-trace sa nasyong Timor-Leste ag gindaea sa nasyon para atubangon ro mga kasong ginpasaka kana.
