Gina-subpoena it National Bureau of Investigation ro 18 nga nagpakilaeang dating Marines nga nagsirbi sigon nga bagman ag security aides ni resigned Cong. Zaldy Co.
Ginkumpirma ni NBI Director Atty. Melvin Matibag nga ginapa-agto nana ro mga raya sa masunod nga Miyerkules.
Ginmanduan kara ro Office of the Ombudsman nga imbestigahan ro alegasyon it mga dating soldado, kamana man ro andang identity, background ag kredibilidad.
Paga-usisaon man it NBI ro andang personal knowledge ag partisipasyon.
Nauna eon nga gin-engganyo it direktor si Atty. Levi Baligod nga boluntaryong isumite kanda ro affidavit it ex-Marines.
Ginpamilit nana nga ebidensya ro direksyon it imbestigasyon ag owa raya it intensyong balewalaon ukon i-discredit ro expose’ it kampo.
Dugang pa ni Matibag nga may proseso ro laye ag hustisya para masigurong indi maduea ro gahum it testimonya it mga raya kon ipasaka eon sa korte.
Sa alegasyon it mga dati sigon nga miyembro it Philippine Marines, nag-deliver sanda it masobra sa P800 bilyon sa mga opisyal it gobyerno kaibahan kanday President Ferdinand Marcos Jr., ag dating House Speaker Martin Romualdez umpisa ko 2022 hasta 2025.
