Plano ni dating Presidential spokesperson Harry Roque nga magdihon it anang depensa sa pinaagi it counter-affidavit sa reklamong human trafficking kontra kana.
Apang, nagpanindugan si Atty. Roque nga inde raya personal nga mag-atubang sa Department of Justice.
Suno kana, magapanumpa imaw sa awtentisidad it anang counter-affidavit sa piskal sa ibang legal entities imbes nga sa DOJ.
Ginhimo ni Roque ro nasambit nga pahayag matapos magdihon ro mga awtoridad it supplemental complaint affidavit kontra kana matapos nga ieakip imaw sa inisyal nga trafficking complaint kontra sa awtorisadong representative it Lucky South 99 nga si Cassandra Li Ong.
Apang, uman nga ginpamalibaran ni Atty. Roque ro mga akusasyon ag ginhambae nga bukon eon it bag-o ro mga ebidensiya kontra kana ag klaro nga himo-himo eamang ro nasambit nga kaso.
Nagaeaum imaw nga himuon it piskal ro andang obligasyon.
Gin-insister ni Roque nga uwa it ebidensiya nga nag-recruit imaw ukon gumamit it dahas para patrabahuon ro mga tawo ag uwa man suno kana it ebidensiya it sabwatan ukon conspiracy.
